Cori ca ardi

Pigghiativillu stu cori ca ardi pi vui, sulu pi vui, sempri pi vui. Iddu nun nu sapi ca vui nun lu vuliti, è nu cori ca avi l’occhi ancora chiusi, è sanu, paru paru, senza gnegnu. Anzignaticcillu vui, co sapiti bonu, ca nun è oru tuttu chiddu c’abbrilla, diciticcillu ca nun sempri u jancu è jancu e ca niuru nun sempri è niuru, ca cu l’alliscia poi u strazza e cu lu vasa appoi su mangia a muzzicuni… Diciticcillu vui a stu cori, prima ca si ferma, picchí a mia nun mi voli cririri.

Cuore che arde

Prendete questo cuore che arde per voi, solo per voi, sempre per voi. Esso non sa che voi non lo volete, è un cuore ancora inconsapevole (che ha gli occhi chiusi). È intonso, intero, senza conoscenza. Insegnateglielo voi, che lo sapete bene, che non è oro tutto ciò che luccica, diteglielo che il bianco non sempre è bianco ed il nero non sempre è nero, che chi lo accarezza poi lo strappa e chi lo bacia poi lo divora. Diteglielo voi a questo cuore, prima che si fermi, perché a me non vuole credere.